aadharodisha.in

ଜନ୍ମତ ବାପାକୁ ଵେକକାଟି ହତ୍ଯା କୁଳାଙ୍ଗାର ପୁଅ

ବିଷମକଟକ,୪ା୨/୨୦୨୬/(ଆଧାର ମିଡ଼ିଆ-ବିଷମକଟକରୁ କାଷିନାଥ ପାଳ)-ବାପା ମା ପୁଅଟିଏ ଜନ୍ମ ଦେଇ ନିଜର କୂଳ ରକ୍ଷାକରିବାକୁ ଯାଇ ଶେଷରେ ସେହି ପୁଅର ହାତରେ ଜୀବନ ଦେବାପରି ବର୍ବର ଘଟଣା ରାଜ୍ୟର କେତେକ ସ୍ଥାନରେ ଦେଖିବାକୁ ବା ଶୁଣିବାକୁ ମିଳୁଛି.କୁଳ ରକ୍ଷାକରିବା ବଦଳରେ ନିଜର ସ୍ୱାର୍ଥ ପାଇଁ ନିଜ ଜନ୍ମିତ ବାପା ଓ ମାକୁ ହତ୍ୟାକରିବାକୁ ପଛାଉନାହାନ୍ତି.ଶେଷରେ ନରପିଶାଚ ପାଲଟି ଯାଉଛନ୍ତି ପୁଅମାନେ.ଏମିତି ଏକ ଘଟଣା ଘଟିଛି ରାୟଗଡ଼ା ଜିଲା ବିଷମକଟକ ସହରର ବ୍ରାହ୍ମଣ ସାହି ଅଞ୍ଚଳରେ. ଘଟିଥିବା ଏକ ନିର୍ମମ ହତ୍ୟାକାଣ୍ଡ ସାରା ଅଞ୍ଚଳକୁ ଚକିତ କରିଦେଇଛି। ନିଜ ବାପାଙ୍କୁ ପାଇଖାନା ସଫା କରିବା ଏସିଡ୍‌ ମିଶ୍ରିତ ସ୍ପ୍ରାଇଟ୍‌ ପାନୀୟ ପିଆଇବା ପରେ ଲୁହାର ‘ପନିକି’ ଦ୍ୱାରା ମୁଣ୍ଡରେ ଆଘାତ ଓ ଗଳାକାଟି ହତ୍ୟା କରିଥିବା ଅଭିଯୋଗରେ ପୋଲିସ ମୃତକଙ୍କ ପୁଅକୁ ଗିରଫ କରିଛି।
ପୋଲିସ ସୂଚନା ଅନୁସାରେ ମୃତକ କୈଳାସ ଚନ୍ଦ୍ର ସାହୁ ବିଷମକଟକ ବ୍ରାହ୍ମଣ ସାହିର ବାସିନ୍ଦା ଥିଲେ। ସେ ସୁଧରେ ଟଙ୍କାଦେବା-ନେବା କାରବାର କରୁଥିବାରୁ ଋଣ ଫେରସ୍ତ ନମିଳିବାକୁ ନେଇ ପରିବାରରେ ପ୍ରାୟ ସମୟରେ କଳହ ଲାଗି ରହୁଥିଲା। ମୃତକଙ୍କ ଦୁଇପୁଅ ରାମଚନ୍ଦ୍ର ସାହୁ (୨୯) ଓ ଶ୍ୟାମ ସୁନ୍ଦର ସାହୁ (୨୬) ଥିବାବେଳେ,ବାପା-ପୁଅଙ୍କ ସମ୍ପର୍କ ଭଲ ନଥିବା ପୋଲିସ କହିଛି।
ଘଟଣା ଦିନ ୩୦ ଜାନୁଆରୀ ସନ୍ଧ୍ୟାରେ ଅଭିଯୁକ୍ତ ଶ୍ୟାମସୁନ୍ଦର ସାହୁ ତାଙ୍କ ବାପାଙ୍କୁ ଘର ତଳଭାଗ ଅଗଣାରେ ଏକାକୀ ଦେଖିଥିଲେ। ସେ ଥଣ୍ଡା ପାନୀୟରେ ପାଇଖାନା ସଫା କରିବାରେ ବ୍ୟବହୃତ ହେଉଥିବା ଏସିଡ୍‌ ମିଶାଇ ବାପାଙ୍କୁ ପିଇବାକୁ ଦେଇଥିଲେ। ପାନୀୟ ପିଇବା ପରେ ଅସୁସ୍ଥ ହୋଇ ମୃତକ ବାନ୍ତି କରିବାକୁ ଯାଉଥିବା ବେଳେ ଅଭିଯୁକ୍ତ ପନିକି ଦ୍ୱାରା ମୁଣ୍ଡରେ ପୁନର୍ବାର ଆକ୍ରମଣ କରିଥିଲେ। ପରେ ଗଳାକାଟି ଦେବାରୁ ବାପାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ପରେ ଅଭିଯୁକ୍ତ ମୃତଦେହ ଉପର ମହଲାକୁ ନେଇ ହୋ-ହଲ୍ଲା କରିଥିବା ବେଳେ ସ୍ଥାନୀୟ ଲୋକେ ଆସି ମୃତକଙ୍କୁ ବିଷମକଟକସ୍ଥିତ ଖ୍ରୀଷ୍ଟିଆନ ହସ୍ପିଟାଲକୁ ନେଇଥିଲେ।
ସେଠାରେ ଡାକ୍ତର ମୃତ ଘୋଷଣା କରିଥିଲେ।ଘଟଣା ସମ୍ପର୍କରେ ବିଷମକଟକ ଥାନାରେ କେସ୍‌ ନମ୍ବର ୧୮/୩୦ରେ ଏକ ମାମଲା ରୁଜୁ କରାଯାଇଛି। ପୋଲିସ ଲୁହାର ପନିକି, ସ୍ପ୍ରାଇଟ୍‌ ବୋତଲ, ଷ୍ଟିଲ୍‌ ଗ୍ଲାସ, ମଗ, ରକ୍ତରଞ୍ଜିତ ପୋଷାକ ଓ ଏସିଡ୍‌ ଆଦି ଜବତ କରିଛି। ଅଭିଯୁକ୍ତ ଶ୍ୟାମ ସୁନ୍ଦର ସାହୁଙ୍କୁ ଗିରଫ କରି ଡାକ୍ତରୀ ମାଇନା କରାଇ କୋର୍ଟ ଚାଲାଣ କରାଯିବା ନେଇ ପୋଲିସ ସୂଚନା ଦେଇଛି। ଅଧିକ ତଦନ୍ତ ଜାରି ରଖାଯାଇଥିବା ବିଷମକଟକ ଥାନା ଅଧିକାରୀ ସୂର୍ଯ୍ୟଚନ୍ଦ୍ର ପାଢ଼ୀ ସୂଚନା ଦେଇଛନ୍ତି।