aadharodisha.in

ବୋଲଗଡ଼ ଥାନାରୁ ଅପରାଧୀ ମାରିଲେ ଚମ୍ପଟ ।ଚିନ୍ତାରେ ବୋଲଗଡ଼ ପୋଲିସ ।

ବୋଲଗଡ/ଖୋର୍ଦ୍ଧା/(ଆଧାର ମିଡ଼ିଆ//ରିପୋର୍ଟ-ପ୍ରସନ୍ନ କୁମାର ସ୍ବାଇଁ) ଗତ ଏକମାସ ତଳେ ମରଣାନ୍ତକ ଆକ୍ରମଣ କରି ଫେରାର ହୋଇଯାଇଥିବା ଆସାମୀକୁ ବୋଲଗଡ଼ ଥାନା ଅଧିକାରୀଙ୍କ ଦ୍ଵାରା ଗିରଫ କରାଯାଇଥିଲା । ତେବେ ଗିରଫକରି ପୋଲିସ ହାଜତରେ ରଖିଥିବା ବେଳେ ଆସାମୀ ରାଜୁ ପୋଲିସଙ୍କୁ ଚଖମା ଦେଇ ଫେରାର ହେଇଯିବା କଥା ପୋଲିସ ପ୍ରଶାସନ ପକ୍ଷରୁ କୁହାଯାଇଛି । ହାଜତରେ ଥିବା ଅଭିଯୁକ୍ତ ମଧ୍ଯ ରାତ୍ରରୁ ପରିସ୍ରା ଯିବାର ବାହାନା ଦେଖାଇ ଥାନାରୁ ଚମ୍ପଟ ମାରିଥିବା କଥା କୁହାଯାଉଛି । ଖସି ଯାଇଥିବା ଅଭିଯୁକ୍ତଙ୍କ ଘର ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବୋଲଗଡ଼ ଅଞ୍ଚଳର ପଞ୍ଚୁ କୋଟଗ୍ରାମ ବୋଲି ପୋଲିସ ରେକର୍ଡରୁ ଜଣାପଡ଼ିଛି । ନୂତନ ଅଭିଯୋଗ କ୍ରମେ ପୋଲିସ ରେକର୍ଡ ଅନୁଯାୟୀ ଗତ ଦୁଇଦିନ ତଳେ ଉକ୍ତ ଅଭିଯୁକ୍ତ ଜଣଙ୍କ ଜଣେ ମହିଳାଙ୍କ ଠାରୁ ଅମାନୁଷିକ ଭାବେ ମୋବାଇଲ ଛଡାଇ ନେଇଥିବା ବୋଲଗଡ଼ ଥାନାରେ ମାମଲା ହୋଇଥିଲା । ବୋଲଗଡ ପୋଲିସ ଅଭିଯୁକ୍ତକୁ ଭୀମପଡ଼ା ଗ୍ରାମ ନିକଟସ୍ଥ ଏକ ମୋବାଇଲ ଦୋକାନରୁ ଫେରାର ଆସାମୀ ରାଜ କିଶୋର ବେହେରା ଓରଫ ରାଜୁ (ବୟସ -୨୫) କୁ ବୋଲଗଡ ଥାନାର ପୋଲିସ ଏସ୍.ଆଇ. ଲିଲି ପାଢି , ଏ.ଏସ୍.ଆଇ. ଅକ୍ଷୟ ଦଳେଇଙ୍କ ସମେତ ପୋଲିସ କର୍ମଚାରୀ ମାନେ ସଂଧ୍ଯା ୭ଘଟିକା ସମୟରୁ ଗିରଫ କରି ଆଣି ପୋଲିସ ହେପାଜତରେ ରଖିଥିଲେ l ଆସାମୀ ରାଜୁ ବୋଲଗଡ ପୋଲିସକୁ ଚଖମା ଦେଖାଇ ରାତ୍ରରୁ ପରିସ୍ରା କରିବାର ବାହାନା ଦେଖାଇ ଥାନାରୁ ଚମ୍ପଟ ମାରିବା ଥାନା ପୋଲିସ୍ ପକ୍ଷରୁ ସୂଚନା ମିଳିଛି । ଏପରି ଆସାମୀ ଚମ୍ପଟ ଘଟଣାରେ ବୋଲଗଡ଼ ଥାନା ପୋଲିସ ପାଇଁ ଚିନ୍ତା ବଢ଼ାଇଛି ।ଏହି ଫେରାର ଘଟଣାକୁ ନେଇ ସାଧାରଣରେ ସନ୍ଦେହ ଉପୁଜିଛି ।ଅପରାଧିକ ବ୍ୟକ୍ତି ବିଶେଷ ଯଦି ପୋଲିସ୍ ଅଧିକାରୀଙ୍କ ହେପାଜତରେ ରହି ଖସି ପଳାଇଯାଉଛନ୍ତି ତେବେ ସାଧାରଣ ଜନତା କାହା ଉପରେ ଭରସା ରଖିବେ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ।