- Sign In / Join
- Contact
- Odisha
- Change Language
ଗୁଣପୁର/୧/୪/୨୦୨୫/(ଆଧାର ମେଡିଆ)-ଗୁଣପୁରର ଗୁଣପୁର ମହାବିଦ୍ୟାଳୟରେ ଉତ୍କଳ ଦିବସ ଅତ୍ୟନ୍ତ ଉତ୍ସାହର ସହିତ ପାଳିତ ହୋଇଥିଲା। ଏହି କାର୍ଯ୍ୟକ୍ରମ କଲେଜର ଅଧ୍ୟକ୍ଷଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା, ଯିଏ ଏହି ଦିବସର ଗୁରୁତ୍ୱ ଉପରେ ଆଲୋକପାତ କରି କହିଥିଲେ ଯେ ପ୍ରତ୍ୟେକ ଓଡ଼ିଆ ନିଜର ଭାଷା, ସାହିତ୍ୟ,ସଂସ୍କୃତି ଓ ପରମ୍ପରା ପ୍ରତି ସର୍ବଦା ଆନ୍ତରିକତା ତଥା ଶ୍ରଦ୍ଧା ରଖିବା ନିହାତି ଆବଶ୍ୟକ ।
ମୁଖ୍ୟବକ୍ତା ଅଧ୍ୟାପକ ଜଗନ୍ନାଥ ଦୀପ ଏହି ଅବସରରେ ଏକ ଭାଷଣ ଦେଇଥିଲେ, ଯେଉଁଥିରେ ଓଡ଼ିଶାର ସମୃଦ୍ଧ ସାଂସ୍କୃତିକ ଐତିହ୍ୟ ଏବଂ ଇତିହାସ ଉପରେ ଗୁରୁତ୍ୱାରୋପ କରିଥିଲେ। ଭାଷା ଆଧାରରେ ପ୍ରଥମ କରି ଓଡ଼ିଶା ଗଠନର ସୂଚ଼ନା ମଧ୍ୟ ପ୍ରଦାନ କରିଥିଲେ। ଉତ୍କଳ,କଳିଙ୍ଗ,କଙ୍ଗୋଦ, ଉଡ୍ର, ଓଡ଼୍ର, ହିଁ ଆଜିର ଓଡ଼ିଶା ବୋଲି ମତ ବ୍ୟକ୍ତ କରିଥିଲେ।
ସଭାରେ ବହୁ ସଂଖ୍ୟକ ଅଧ୍ୟାପକ ଏବଂ ଛାତ୍ରଛାତ୍ରୀ ଯୋଗ ଦେଇଥିଲେ, ଯେଉଁମାନେ ଏହି ଉତ୍ସବରେ ଅତ୍ୟନ୍ତ ଉତ୍ସାହର ସହିତ ଅଂଶଗ୍ରହଣ କରିଥିଲେ। ଅଧ୍ୟାପକ ଜ୍ୟୋତିରଂଜନ ପଟ୍ଟନାୟକ ଓଡ଼ିଶା ପ୍ରଦେଶ ଗଠନରେ ଦକ୍ଷିଣ ଓଡ଼ିଶାର ଗଜପତି ରାଜା କୃଷ୍ଣଚନ୍ଦ୍ର ମହାରାଜାଙ୍କ ଅବଦାନ ସମ୍ପର୍କରେ ମତବ୍ୟକ୍ତ କରିଥିଲେ। ସେହିପରି ଅଧ୍ୟାପକ ସତୀଶ କୁମାର ପଟ୍ଟନାୟକ ଓଡ଼ିଶାର ଉନ୍ନତି ପାଇଁ ପ୍ରତ୍ୟେକ ବ୍ୟକ୍ତି ଆଗକୁ ଆସିବା ପାଇଁ ଉଦବୋଧନ ଦେଇଥିଲେ। ଅଧ୍ୟାପକ ଅମିୟ ରଞ୍ଜନ ମହାନ୍ତି ଓ ଦେବୀ ପ୍ରସାଦ ରାଉତ ମଧ୍ୟ ସଭାରେ ଉପସ୍ଥିତ ଥିଲେ।
ଅଧ୍ୟକ୍ଷ ଶ୍ରୀ ଶଶିଭୂଷଣ ମହାନ୍ତି ଛାତ୍ରଛାତ୍ରୀମାନଙ୍କୁ ନିଜ ରାଜ୍ୟର ଐତିହ୍ୟରେ ଗର୍ବ କରିବାକୁ ଏବଂ ଏହାର ବିକାଶରେ ଯୋଗଦାନ ଦେବାକୁ ଉତ୍ସାହିତ କରିବା ସହିତ ଉତ୍କଳୀୟ ଇତିହାସ, କଳା, ସାହିତ୍ୟ ଏବଂ ସ୍ଥାପତ୍ୟ ପ୍ରତି ରାଜ୍ୟର ଅବଦାନ ବିଷୟରେ କହିଥିଲେ।ଛାତ୍ରୀ ଅର୍ପିତା ପଟ୍ଟନାୟକ ଓଡ଼ିଶା ଦିବସ ପାଳନର ଆବଶ୍ୟକତା ଉପରେ ନିଜ ମନ୍ତବ୍ୟ ଉପସ୍ଥାପନା କରିଥିଲେ lଶେଷରେ ଅଧ୍ୟାପକ ଜିତେନ୍ଦ୍ର ବଡ଼ମୁଣ୍ଡି ଧନ୍ୟବାଦ ଅର୍ପଣ କରିଥିଲେ ।
Recent Comments