logo
add image
ଜମନକିରା ବ୍ଲକ୍ ରେ ମନ୍ତ୍ରୀ ବାଣ୍ଟିଲେ ୪୫୫ ହିତାଧିକାରୀଙ୍କୁ କାର୍ଡ

ଜମନକିରା ବ୍ଲକ୍ ରେ ମନ୍ତ୍ରୀ ବାଣ୍ଟିଲେ ୪୫୫ ହିତାଧିକାରୀଙ୍କୁ କାର୍ଡ

ଜମନକିରା,୩୦/୭(ଆଧାର ମିଡ଼ିଆ//ରିପୋର୍ଟ-ରାଜେନ୍ଦ୍ର ନାୟକ):ଜମନକିରା ବ୍ଲକ। ଅଫିସ୍ ପ୍ରାଙ୍ଗଣ ରେ ବିଡ଼ିଓ ରବିନ୍ଦ୍ର ସେଠୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବୁଧବାର କାର୍ଡ ବଣ୍ଟନ କାର୍ଯକ୍ରମ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ରାଜ୍ୟ ସରକାରଙ୍କ ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାଏକ ମୁଖ୍ୟଅତିଥି ଥିବା ବେଳେ ସମ୍ମାନିତ ଅତିଥି ଭାବେ ସମ୍ବଲପୁର ସାଂସଦଙ୍କ ଜମନକିରା ବ୍ଲକ୍ ପ୍ରତିନିଧି ରମେଶ ସାହୁ, ତହସିଲଦାର ପ୍ରବିଣା ବିଲୁଙ୍ଗ, ଜମନକିରା ମଣ୍ଡଳ ସଭାପତି ତଥା ବଡ଼ରମା ସରପଞ୍ଚ ବିଜୟ ନାଏକ, କୁଚିଣ୍ଡା ଜିଲ୍ଲା ପରିଷଦ ଜୋନ୍ ୨ ସଭ୍ୟ ଦିବ୍ୟଶଙ୍କର କିସାନ, ଗୁଣ୍ଡରୁଚୁଆଁ ମଣ୍ଡଳ ସଭାପତି ମନୋଜ ମାଝୀ, ପୂର୍ବତନ ମଣ୍ଡଳ ସଭାପତି ଦୁଷ୍ମନ୍ତ ନାୟକ ପ୍ରମୁଖ ଯୋଗଦେଇ ୪୫୫ ଜଣ ନୂଆ ହିତାଧିକାରୀଙ୍କୁ କାର୍ଡ ବଣ୍ଟନ କରିଥିଲେ। ଏହି କାର୍ଯ୍ୟକ୍ରମରେ ନୂଆ ଶ୍ରମ କାର୍ଡ ୬୦ ଜଣଙ୍କୁ,ରାସନ କାର୍ଡ ୪୭ ଜଣ ଙ୍କୁ ନୂଆ ବାର୍ଦ୍ଧକ୍ୟ, ବିଧବା,ଅବିବାହିତା ମହିଳା ଭତ୍ତା ପ୍ରଭୃତି ୪୧ ଜଣଙ୍କୁ,ବସୁନ୍ଧରା ଯୋଜନାରେ ୪ ଡିସିମିଲ ଲେଖାଏଁ ଘରଡିହ ପଟ୍ଟା ୨୫୫ ଜଣଙ୍କୁ,ଜଙ୍ଗଲ ଅଧିକାର ଆଇନ୍ ୨୦୦୫ ଅନୁଯାୟୀ ୩୦ ଜଣ ବନବାସୀଙ୍କୁ ଜମିପଟ୍ଟା, ଗୋପାଳନ ପାଇଁ ୧୬ ଜଣ ଗୋ ପାଳକଙ୍କୁ କାର୍ଯ୍ୟାଦେଶ ବଣ୍ଟନ ଏବଂ ଚଳିତ ଲଗାଣ ବର୍ଷାରେ ଘର ଭାଙ୍ଗିଯାଇଥିବା ୬ଜଣ ଦୁର୍ଗତଙ୍କୁ ୪ ହଜାର ଟଙ୍କା ଲେଖାଏଁ ଅନୁକମ୍ପା ମୂଳକ ସରକାରୀ ସହାୟତା ପ୍ରଦାନ କରାଯାଇଥିଲା।ରାଜ୍ୟ ସରକାର କାର୍ଯ୍ୟକାରୀ କରୁଥିବା ବିଭିନ୍ନ ସରକାରୀ ଯୋଜନା ଗୁଡ଼ିକ ଯେଭଳି ଲୋକ ଙ୍କ ପାଖରେ ପହଂଚି ପାରିବ ଏଵଂ ଏହି ଯୋଜନାରୁ ସର୍ବାଧିକ ଲୋକେ ସୁଫଳ ପାଇପାରିବେ ବିଡ଼ିଓ ଶ୍ରୀ ସେଠୀ ଓ ତହସିଲଦାର ବିଲୁଙ୍ଗ ଗୁରୁତ୍ୱାରୋପ କରିଥିଲେ। ପଞ୍ଚାୟତିରାଜ ମନ୍ତ୍ରୀ ଶ୍ରୀ ନାଏକ କହିଥିଲେ, ବିଭିନ୍ନ ଯୋଜନାରୁ ଜନ ସାଧାରଣ କିଭଳି ଉପକୃତ ହେବେ ରାଜ୍ୟ ସରକାର ଚିନ୍ତା ପ୍ରକଟ କରି ଏହାକୁ କାର୍ଯ୍ୟକାରି କରିବାକୁ ଯାଉଛନ୍ତି।ଏହି କାର୍ଯ୍ୟକ୍ରମକୁ ଏପିଓ ମନୋଜ ଭୋଇ ପରିଚାଳନା କରିଥିଲେ। ଶେଷରେ ଜମନକିରା ମଣ୍ଡଳ ସଭାପତି ତଥା ବଡ଼ରମା ସରପଞ୍ଚ ବିଜୟ ନାଏକ ଧନ୍ୟବାଦ ଅର୍ପଣ କରିଥିଲେ।

Recent Comments

Leave Comments

Recent Post

Top