logo
add image
ଅଜଣା ଗାଡ଼ି ଧକ୍କାରେ ଗୁରୁତର ଶିଶୁ:ପୋଲିସ ର ନିଷ୍କ୍ରିୟତା ପାଇଁ ଥାନା ଘେରାଓ କଲେ ଖଇରପାଳି ଗ୍ରାମବାସୀ

ଅଜଣା ଗାଡ଼ି ଧକ୍କାରେ ଗୁରୁତର ଶିଶୁ:ପୋଲିସ ର ନିଷ୍କ୍ରିୟତା ପାଇଁ ଥାନା ଘେରାଓ କଲେ ଖଇରପାଳି ଗ୍ରାମବାସୀ

ପଦ୍ମପୁର,୨୯/୪ (ଆଧାର ମିଡିଆ//ରିପୋର୍ଟ -ଡିଲେଶ୍ୱର ବାଗ): ବର୍ତ୍ତମାନ ବରଗଡ଼ ଜିଲ୍ଲାରେ ବେଆଇନ ନିଶା କାରବାର ବୃଦ୍ଧି ପାଉଥିବାରୁ ତାହାର ବିଭିନ୍ନ ପାର୍ଶ୍ଵ ପ୍ରତିକ୍ରିୟା ଦେଖିବାକୁ ମିଳୁଛି।ନିଶାସକ୍ତ ଡ୍ରାଇଭର ମାନେ ବେପରୁଆ ଗାଡ଼ି ଚାଳନା ଯୋଗୁଁ ଅନେକ କ୍ଷୟକ୍ଷତି ଘଟୁଛି।ଅନେକ ଧନଜୀବନ ନଷ୍ଟ ମଧ୍ୟ ହେଉଛି।ଏହାଛଡ଼ା ଅପରାଧ ନିୟନ୍ତ୍ରଣରେ ପୋଲିସର ନିଷ୍କ୍ରିୟତା ମଧ୍ୟ ପଦାରେ ପଡ଼ୁଛି ଯେଉଁଥିପାଇଁ ଲୋକଙ୍କ ମଧ୍ୟରେ ଆକ୍ରୋଶ ଦେଖିବାକୁ ମିଳିଛି।ଏମିତି ଘଟଣା ଦେଖିବାକୁ ମିଳିଛି ପଦ୍ମପୁର ଅଞ୍ଚଳରେ।ଗତ ୨୪ ତାରିଖ ମଧ୍ୟାହ୍ନ ୧୨ ଟା ସମୟରେ ବରଗଡ ଜିଲ୍ଲା ପଦ୍ମପୁର ବ୍ଲକ ଅନ୍ତର୍ଗତ ଖଇରପାଲି ଗ୍ରାମରେ ପପୁ ମେହେର ନାମକ ଗୋଟିଏ ଚାରି ବର୍ଷର ଛୁଆ ଘର ସାମ୍ନା ରେ ଖେଳୁଥିବା ସମୟରେ ହଟାତ ଏକ ବୋଲେରୋ ଗାଡି ଆସି ଛୁଆ କୁ ଧକ୍କା ଦେଇ ଫେରାର ହୋଇଯାଇଥିଲା।ପରିବାର ଲୋକ ତୁରନ୍ତ ହସ୍ପିଟାଲ ନେଇଥିଲେ, ବର୍ତ୍ତମାନ ଛୁଆ ର ଅବସ୍ଥା ଗୁରୁତର ଥିବା ଜଣା ପଡ଼ିଛି। ପରିବାର ଲୋକ ଉଚ୍ଚ ତର ଚିକିତ୍ସା ସହ ଫେରାର ଗାଡି ଚାଳକ କୁ ଧରାଯାଉ ବୋଲି ଥାନାରେ ଲିଖିତ ଅଭିଯୋଗ କରିଥିଲେ, ହେଲେ କିଛି ସୁଫଳ ମିଳି ନ ପାରିବାରୁ ସୋମବାର ସରପଞ୍ଚ, ସମିତି ସଭ୍ୟ,ୱାର୍ଡ ମେମ୍ଵର ଙ୍କ ସମେତ ଶତାଧିକ ଗ୍ରାମବାସୀ ପଦ୍ମପୁର ଆଦର୍ଶ ଥାନା କୁ ଆସି ଧାରଣା ରେ ବସିଛନ୍ତି।ଉପଯୁକ୍ତ ଚିକିତ୍ସା ସହ ଫେରାର ହୋଇଥିବା ଗାଡି ଚାଳକ କୁ ଧରା ଯାଉ ବୋଲି, ଗ୍ରାମବାସୀ ଦାବି କରିଛନ୍ତି।

Recent Comments

Leave Comments

Recent Post

Top